რასიზმის პრობლემა ვიდეოთამაშების ინდუსტრიაში

ვიდეოთამაშების ინდუსტრია ნამდვილად არ უჩივის ფერადკანიანი პერსონაჟების სიმცირეს, თუმცა კინო ინდუსტრიისგან განსხვავებით, არის ერთი სხვაობა.

6 წლიანი მუშაობის შემდეგ, 2016 წლის 7 ოქტომბერს გამოვიდა ლეგენდარული ვიდეოთამაშის, MAFIA-ს მესამე ნაწილი, სადაც

სიუჟეტი 1968 წლის კრიმინალურ ქალაქში მიმდინარეობს, რომელიც New Orlean-ის ანალოგია. ქალაქი 70-იანი წლების ამერიკაში რასიზმით გამოირჩეოდა, მთავარი პერსონაჟი კი აფრო-ამერიკელი ლინკოლნ კლეია, რომელიც ომიდან დაბრუნების შემდგომ, იწყებს კრიმინალურ კარიერას და ქმნის კარტელს.

აფრო-ამერიკელი პერსონაჟები, ძირითადად რეპერების, განგსტერების და ბოროტმოქმედების როლში ჩნდებიან, ვიდეოთამაშების ინდუსტრიას კი მართლაც თითზე ჩამოსათვლელი ჰყავს ისეთი პერსონაჟები, რომლებიც არ არიან ძალადობაზე ორიენტირებულნი, ელის ვენსი Half-Life 2
-დან და ლი ევერეტი The Walking Dead-დან, სწორედ ის იშვიათთაგანი არიან.

არსებობს მოსაზრება, რომ რასიზმის სტერეოტიპირებისგან თავის აცილება ვიდეო თამაშებში უფრო მნიშვნელოვანი იქნება, ვიდრე კინო ინდუსტრიაში, რადგან კომპიუტერული თამაშები მეტად, დამოკიდებულს გხდის სცენარზე და ცნობიერად უფრო ახლოს ხარ პერსონაჟებთან. განაცხადა თამაშების დიზაინერმა, მარკუს მონტგომერიმ.

რატომ არის ეს საკითხი საყურადღებო, ფაქტია რომ აფრო-ამერიკულ კულტურაში სამწუხაროდ ხშირია კრიმინალური ცხოვრებისკენ მიდრეკილება, რასაც ხშირად გარემო უწყობს ხელს, თანამედროვე ხელოვნების ინდუსტრიაშიც ამ შეხედულების, მაპროვოცირებელი პროდუქტები მრავლად იქმნება. რაც ხელს უწყობს ამ შეხედულების გამყარებას, თუმცა ვინ არიან ამ სტერეოტიპის პირველი მსხვერპლნი? აფრო-ამერიკელი ბავშვები რომლებიც თამაშობენ ვიდეოთამაშებს და ვერ ხედავენ ფერადკანიან მეცნიერებს, ფიზიკოსებს, ინჟინრებს, დოქტორებს. რა თქმა უნდა ამ საკითხს ხელს უწყობს ისიც რომ ვიდეოთამაშების ძირითადი თემატიკა არის საბრძოლო ან ძალადობაზე ორიენტირებული.

საყურადღებოა ასევე სტატისტიკა, თუ ვინ ქმნის ამ თამაშებს. მსოფლიო ვიდეოთამაშების დეველოპერთა ასოციაციამ გამოაქვეყნა შედეგები, მხოლოდ 3% ინჟინერებისა არიან აფრო-ამერიკელები, და ეს შედეგი 0.5% გაიზარდა ბოლო 10 წლის განმავლობაში. 76%-ს წარმოადგენენ თეთრკანიანი დეველოპერები, რასობრივი სიმცირე გენდერულ სიმცირეს ბევრად უსწრებს.
შეიძლება ჩაითვალოს რომ თეთრკანიანი დეველოპერებისთვის ეს საკითხი ნაკლებად მნიშვნელოვანია.

თუმცა, ამგვარი პრობლემები არ აწუხებს კანადას, მაგალითად, კომპანია Ubisoft-ი, რომელიც არის Assassin’s Creed Franchise-ს ავტორი. თეთრკანიანმა დეველოპერებმა, შექმნეს პერსონაჟი ეველინი, შავკანიანი ქალბატონი, რომელიც ასასინთა ორდენის წევრია და უწევს როგორც რასიზმის, ასევე გენდერული ჩაგვრის წინააღმდეგ ბრძოლა, მეთვრამეტე საუკუნის ნიუ ორლეანში. ასევე იყო Assassin’s Creed Freedom Cry სადაც მთავარი პერსონაჟი აფრო-ამერიკელი ასასინია, რომელიც ცდილობს მონობისგან გაათავისუფლოს შავკანიანი მოსახლეობა.

დეველოპერებისგან განსხვავებით, აფრო-ამერიკელი გეიმერები ჭარბობენ, მარკუს მონტგომერის ორგანიზაცია Blacks in Gaming, ორიენტირებულია ფერადკანიან ბავშვებში სამეცნიერო ფანტასტიკის და გეიმ-დეველოპმენტის პროპაგანდირებაზე. მარკუსის განცხადებით, რადგან აფრო-ამერიკელი გეიმერები ძირითადად თამაშობენ NBA 2k (კალათბურთს), არ ნიშნავს რომ მათი ინტერესი მხოლოდ სპორტისა და კრიმინალის გარშემო ტრიალებს, არსებობენ ფერადკანიანი ბავშვები, რომლებიც არიან დაინტერესებულნი სამეცნიერო ფანტასტიკით, ჩვენი მიზანია მათ შევუწყოთ ხელი, რათა თავისუფლად შეძლონ თავი აარიდონ სტერეოტიპებს და მაქსიმალურად გამოავლინონ თავიანთი ინტერესები.

ეს საკითხი მნიშვნელოვანა, გამომდინარე იქიდან, რომ მსოფლიოში ნაკლებად რასისტული ტენდენციები შეინიშნება, ჯერ კიდევ არსებობს აფრო-ამერიკელ ახალგაზრდებში კრიმინალისკენ მზარდი მიდრეკილება. ეს ის შემთხვევაა, როდესაც რეალობა და სტერეოტიპები ერთმანეთს, უწყობს ხელს.