უფასო მიტანა მთელ საქართველოში!

032 2 04 07 00

​7 მიზეზი თუ რატომ უნდა ვითამაშოთ ვიდეოთამაშები

09/08/2019
by Giorgi Dalaqishvili


არსებობს საკმაოდ ცნობილი მოსაზრება, რომ სკოლაში დავდივართ იმისთვის, რომ მოვემზადოთ მომავალი ცხოვრებისთვის, ვისწავლოთ ახალი ინფორმაციის ათვისება, ამა თჲ იმ პრობლემასთან გამკლავება, მაგრამ სამწუხაროდ, ასე საინტერესოდ სცენარი იშვიათად ვითარდება.
ალბათ ბევრი ხუმრობა და მიმი გინახავს იმაზე, რომ კომპიუტერულმა თამაშებმა უკეთესად გვასწავლა ისტორია, უცხო ენა, სტრატეგიული აზროვნება და ა.შ

მაგრამ რეალურად არ არის ყველაფერი ადვილი აღსაქმელი, თუ რა მიზეზები არსებობს კომპიუტერული თამაშების სათამაშოდ.


ყველა ვთანხმდებით რომ სწავლის პროცესი უნდა იყოს სახალისო.


  1. მარცხი და წარუმატებლობა არის წარმატების გასაღები.

თუ გაიხსენებ და მოიძიებ ინფორმაციას, ყველაზე წარმატებული ადამიანების შესახებ, აუცილებლად აღმოაჩენ, რომ მათ უამრავი წარუმატებლობა და მარცხი განიცადეს, და ისე გახდნენ პირველები.

  • ჯოან როულინგს 12 მა გამომცემლობამ უთხრა უარი ჰარი პოტერის დაბეჭდვაზე
  • ვან გოგმა მხოლოდ ერთი ნახატის გაყიდვა მოახერხა მის სიცოცხლეში.
  • მაიკლ ჯორდანი სკოლის კალათბურთის გუნდიდან გარიცხეს
  • ილონ მასკი სანამ მრავალ გიგანტურ და ინოვაციურ კომპანიას შექმნიდა, მანამდე არაერთხელ იყო გაკოტრების პირას.


მარცხი ძალიან მნიშვნელოვანია, თამაშებში შანსი გაქვს თავიდან დაიწყო მარცხის შემდეგ, მშვიდად და უმტკივნეულოდ, სამწუხაროდ ცხოვრებაში ეს ბევრად რთულია, რადგან ყოველი მარცხი იმდენად რთული გადასატანია, სოციალურად ფინანსურად და ემოციურად რომ ვეღარ ვახერხებთ წარუმატებლობა ვაქციოთ გამოცდილებად დიდი დანაკარგის გარეშე.

ვიდეო თამაშები ამის საუკეთესო შანსია.


2.კომპიუტერული თამაშები ზრდის პრობლემების მოგვარების უნარებს


არაერთი კვლევა ჩატარდა ამ თემის შესახებ, რომ სტრატეგიული RPG თამაშები ავითარებს პრობლემების მოგვარების უნარებს, უშუალოდ პრობლემის წინაშე აღმოჩენისას, მკაფიოდ გვაქვს მოცემული თჲ რა გადაწყვეტილებას რა შედეგი მოყვება, ამასთან ერთად ყველა თამაშს აქვს ისეთი პრინციპი რაც კრიტიკულ აზროვნებას მოითხოვს და პროცესში ავარჯიშებს კოგნიტურ შესაძლებლობებს, რაც პრობლემის გადაწყვეტის და კრიტიკული არჩევანის გაკეთების დროს უმნიშვნელოვანესია.




3. გეიმინგი შენს ტვინს მუდმივად აქტიურ ფაზაში ამყოფებს.

სამწუხაროა, მაგრამ ფაქტია: დროთა განმავლობაში ჩვენ უფრო და უფრო ვეგუებით როგორც ფიზიკურ, ასე მენტალურ მოდუნებას. სპორტ დარბაზებში სიარული ან უბრალოდ კარგი სექსი გვეხმარება, რომ ფიზიკური დანაკარგები ავიცილოთ თავიდან, თუმცა გონებრივი ლპობისგან თავის დასაცავად ტვინის მუდმივი აქტივობაა საჭირო. კროსვორდების, სუდოკუს და სააზროვნო ვიდეო თამაშების თამაშით კი შეგიძლია იმავე შედეგს მიაღწიო გონების გასავარჯიშებლად, რაც სხეულისთვის სპორტდარბაზში სიარულია.


კვლევებმა ცხადყო, რომ მუდმივი გონების ვარჯიშის პირობებში 2.6-ჯერ ნაკლებია შანსი იმისა რომ ალცამიერი ან დემენცია განვითარდეს. უამრავი მეცნიერი გვიმტკიცებს, რომ ვიდეო თამაშების მეშვეობით შესაძლებელია გაუმჯობესდეს მეხსიერება და ზოგადად ცხოვრებაც. ეს მარტივად შეიძლება მიიჩნიოთ იმ ქვეტექსტად, რომ ამ ახალ წელ თქვენს ბაბუებს ანდაც დიდ ბაბუებს Xbox უნდა აჩუქოთ.


4. გეიმერები უკეთესად ართმევენ თავს ვიზუალურ დავალებებს.

ვიდეო თამაშები თქვენს თვალებს ვიზუალური დამუშავების უფრო დიდ შესაძლებლობას აძლევს.

მეცნიერები თითქმის თანხმდებიან ერთ იდეაზე - გეიმერები ვიზუალურ დავალებებს ჩვეულებრივ არამოთამაშეებზე უკეთ უმკლავდებიან. კვლევამ აჩვენა, რომ ჩვეულებრივთან შედარებით, გეიმერები უკეთ ართმევენ თავს შემდეგ ვიზუალურ ამოცანებს: ობიექტების თვალყურის დევნება, ერთდროულად რამდენიმე ობიექტის თვალყურის დევნება, შეუსაბამო ინფორმაციის გაფილტვრა, დავალებიდან დავალებაზე მარტივად გადასვლის შესაძლებლობა და ვიზუალური განლაგების ცვლილების გამოვლენა.

ბრაუნის უნივერსიტეტის მკვლევარებმა აღმოაჩინეს, რომ ვიდეო თამაშები არა მხოლოდ ავარჯიშებს ვიზუალურ აღქმას, არამედ ახალის შეცნობაშიც ეხმარებათ. ექსპერიმენტების შედეგად, ნათელი გახდა, რომ თამაშები აუმჯობესებს ჩვენს მენტალური როტაციის შესაძლებლობებს, რომელიც მუდმივია და როგორც წესი, ასოცირდება შემეცნებითი დამუშავების ხანგრძლივ ცვლილებებთან.



5. გეიმინგი ხელს უწყობს ინფორმაციის დამუშავების სისწრაფეს.

ინფორმაციის სწრაფად დამუშავებას მრავალ სიტუაციაში გადამწყვეტი მნიშვნელობა აქვს. მაგალითად, მძღოლებს უამრავი ინფორმაციის გააზრება უხდებათ (რომელთა ნაწილი ცვალებადია) და ხშირად უწევთ მიიღონ სწრაფი და ზუსტი გადაწყვეტილებები, რომელსაც შეიძლება დრამატული შედეგებიც კი მოჰყვეს. გადაწყვეტილების მიღებისას სიჩქარე, ხშირად დიდ რისკებთანაა დაკავშირებული, რადგან ამ დროს შეცდომებისგან არავინაა დაზღვეული.

ყველამ იცის, რომ კომპიუტერულ თამაშებს ძალიან სწრაფი რეაქციები სჭირდება და ნელი მოქმედებით შეიძლება ქულები დაგვაკლდეს, ანდაც საერთოდ თამაშიც წავაგოთ. შესაბამისად მოთამაშეებს უწევთ თამაშთან ადაპტაცია და სწრაფი რეაგირების გამომუშავება.

დროთა განმავლობაში გეიმერებს უყალიბდებათ ინფორმაციის დამუშავების უფრო სწრაფი შესაძლებლობები, ვიდრე სხვა ადამიანებს და მათი მიერ გაკეთებული სწრაფი გადაწყვეტილებები ბევრად ზუსტი ხდება.


6. გეიმერებს უფრო კარგი მახსოვრობა აქვთ

ალბათ ძალიან ბევრ ისეთ ადამიანს ვიცნობთ, ვისაც ფაქტების დავიწყების ეშინია, ან უბრალოდ უნდა რომ ბევრ რაღაცას იმახსოვრებდეს. კალიფორნიის უნივერსიტეტის ნეირობიოლოგების გუნდმა დაადგინა, რომ 3D კომპიუტერული თამაშები შესაძლებელია ჩვენს გონებას უფრო მეტი რაიმეს დამახსოვრებაში დაეხმაროს.

მათ ცდა ჩაატარეს ორ ჯგუფში: პირველი ჯგუფი ორი კვირის მანძილზე ნახევარი საათით თამაშობდნენ 2D თამაშებს, ხოლო მეორე ჯგუფი იმავე დროსა და დღის მონაკვეთში 3D თამაშებით იყვნენ გართულნი. ექსპერიმენტის დაწყებამდე თითოეულს ჩაუტარდა მეხსიერების ტესტირება. 2 კვირის შემდგომ მეცნიერებმა კიდევ ერთხელ ჩაუტარეს მონაწილეებს ტესტირება, რომელმაც აჩვენა რომ ის ჯგიფი, რომელიც 3D თამაშებს თამაშობდა, მეხსიერება 12%-ით გაუუმჯობესდა. შეიძლება იფიქროთ რომ ეს ბევრი არაა, თუმცა ეს მეხსიერების დაახლოებით ის პროცენტია, რომელსაც ადამიანი 45 წლიდან 70 წლის ასაკამდე კარგავს.

წინა კვლევებმა აჩვენა, რომ 3D გარემოს შესწავლა ხელს უწყობს ნეირონების ზრდა, რამაც შეიძლება გამოიწვიოს ჰიპოკამპის ზომების მომატებაც. ასე რომ თუ ვინმე თამაშს აგიკრძალავთ შეგიძლიათ ძალიან თამამად განაცხადოთ, რომ ეს თქვენი გონებას გავარჯიშებისთვის აუცილებელი საქმეა.


7. კომპიუტერული თამაშები ერთდროულად რამდენიმე საქმის კეთებაში გავარჯიშებს.

თუ იკითხავ უამრავი მშობელი გეტყვით, რომ ბავშვები კომპიუტერული თამაშებით დროს უაზროდ კარგავენ და ამას მათთვის არაფერი სასარგებლო არ მოაქვს, რაც რეალურად სიმართლეს არ შეესაბამება. მეცნიერი დეფნე ბეველერი (ადამიანის თავის ტვინის მკვლევარი პროფესორი, რომელმაც ჩაატარა 20 სხვადასხვა კვლევა სამოქმედო ვიდეო თამაშების გავლენასთან დაკავშირებით) ამტკიცებს, რომ სამოქმედო თამაშებს შეუძლია მოთამაშეში ყურადღების გამახვილების, კოგნიციის, მხედველობის და ერთდროულად რამდენიმე საქმის კეთების გავარჯიშებაში დაეხმაროს.

არამოთამაშეებს 30%-ით უფრო უჭირთ რამდენიმე საქმეს გაუმკლავდნენ, მაშინ როდესაც ეს გეიმერებისთვის მხოლოდ 10%-ს შეადგენს. 2013 წელს Nature-ში გამოქვეყნდა კვლევის შედეგები, რომლის მიხედვითაც 20-70 წლის ადამიანები რომელიც ექვსი თვის მანძილზე 3-3 საათი ჩვეულებრივ 3D სარბოლო თამაშებს თამაშობდნენ ბევრად გაუუმჯობესდათ სხვადასხვა კოგნიტური შესაძლებლობები (ყურადღების გამახვილება, მახსოვრობა, რამდენიმე საქმის ერთდროულად კეთების უნარი და ა.შ).

საბოლოო ჯამში მხოლოდ ამის თქმა შეგვიძლია, ითამაშეთ რაც შეიძლება მეტი 3D (და არა მხოლოდ) თამაში, და თუ ვინმე გეტყვის რომ უბრალოდ დროს უაზროდ კარგავ, ამ სტატიის წაკითხვა აიძულე!







Comments

No posts found

Write a review